Ұлттық статистика бюросының мәліметтері бойынша, Астана халқының саны 1 674 699 адамды құрайды. Бір дәрігерге шамамен 406 тұрғын келеді. Орта буын маманы орта есеппен 222 адамға қызмет көрсетеді, ал кіші персонал қызметкері — 602 тұрғынға. Жалпы алғанда бір медицина қызметкеріне шамамен 116 тұрғын тиесілі.
2025 жылғы 28 сәуірде Астана әкімдігі 2025–2029 оқу жылдарына арналған жоғары оқу орнынан кейінгі біліммен мамандар даярлау бойынша мемлекеттік білім беру тапсырысын бекітті. Құжат ең сұранысқа ие медициналық мамандықтар бойынша 25 орынды қарастырады.
Республикалық бюджет есебінен жыл сайын тапшы бағыттар бойынша гранттар бөлінеді. 2025–2027 жылдары 141 грант қарастырылған. Резидентура түлектері қосымша астанадағы медициналық ұйымдарға бөлінеді.
Медициналық ұйымдарды білікті кадрлармен қамтамасыз ету жұмыстары тұрақты бақылауда жалғасуда.