Орта есеппен бір орынға шамамен алты адам үміткер болды. Стипендиаттардың жалпы санынан 137 адам магистратураға, 10 адам докторантураға жіберіледі, ал 37 адам шетелдік университеттер мен орталықтарда кәсіби тағылымдамадан өтеді.
Жасанды интеллект саласындағы тағылымдамалардың жеке санатын комиссия өткен жылдың соңында бекітті. Осы отырыста оған сәйкес стипендиялар алғаш рет бөлінді.
Тағы 51 қазақстандық әлемнің жетекші ғылыми-зерттеу орталықтарындағы ғылыми тағылымдамаларға грант алды.
Комиссия бакалавриат бағдарламасы бойынша оқуға құқық беретін санаттар тізімін де кеңейтті. Енді халықаралық шығармашылық орындаушылар конкурстарының жүлдегерлері де стипендияға үміткер бола алады.
Мемлекеттік кеңесші Ерлан Карин отырыс қорытындысы бойынша «Болашақ» стипендиясымен одан әрі жұмыс істеу бойынша тапсырмалар берді.