Төтенше жағдайлар министрлігінің Ұлттық сейсмологиялық бақылау және зерттеу ғылыми орталығының сейсмикалық станциялары ошақ туралы деректерді өңдеп жатыр. Тереңдігі 30 км, координаттары — 44,547° с.е. және 80,405° ш.е.
Ең күшті қарқындылық — 4 балл — Жетісу облысы Панфилов ауданының Жаркентінде тіркелді. Сарқанд, Жансүгіров, Текелі және Шонжыда дүмпулер 3 балл деп бағаланды.
Алматының өзінде күші 2 баллды құрады. Дүмпулерді Талдықорған, Қонаев, Талғар, Есік, Үшарал, Үштөбе, Сарыөзек, Кеген, Нарынқол және Үржар қалаларында да сезінді.
Құтқарушылардың ескертпесі
Алматының ТЖД жер сілкінісі кезіндегі мінез-құлық ережелерін еске салды. Дүмпу кезінде сабыр сақтап, лифт пен баспалдақты пайдаланбау, жиһаздан, терезе мен люстрадан алыстау және қауіпсіз жерге жасырыну керек.
Жоғарғы қабаттарда күрделі қабырғалардың бұрышына тұру ұсынылады. Көпқабатты үйден тек дүмпу тоқтаған соң шығу қажет. Міндетті түрде суды, газ бен электр қуатын өшіріп, дабыл чемоданшасын алып, электр желілерінен, ғимараттар мен ағаштардан аулақ болу керек.
Құтқарушылар қайталама дүмпулерге дайын болуды және қажет болған жағдайда қарттар мен мүмкіндігі шектеулі адамдарға көмектесуді кеңес етті.