Қалада жаңбыр суын ағызу үшін 30 орын анықталды. Қазір екі ауысымда 110 ассенизаторлық машина, бес насос станциясы және мотопомпалар жұмылдырылған. 110 мың текше метр су сорып шығарылды.
Қазгидромет деректері бойынша, нөсер жаңбыр тағы бір аптаға созылуы мүмкін. Қазіргі уақытта жауын-шашын мөлшері жылдық нормаға жақындады.
Тәулік ішінде ситуациялық орталыққа шамамен 1500 өтініш түсті, оның 1200-ге жуығы орындалды. Тұрғын үйлердің су басуы тіркелмеді, су аулалық аумақтардан сорып шығарылды.
Кейбір көшелер жұмыстарды жүргізу үшін уақытша жабылды. Мердігер ұйымдар тәулік бойы режимде сору жұмыстарын жалғастыруда.