Бірінші таңба — астананы, облысты немесе республикалық маңызы бар қаланы білдіретін латын әрпі. Екінші және үшінші таңбалар — мекенжай блогының кодын көрсететін цифрлар. Соңғы төрт таңба осы блок ішіндегі жылжымайтын мүлік нысанының бірегей кодын құрайды.
Индекстерді Пошта ұлттық операторы цифрлық жүйе арқылы береді. Индексті ресми мекенжайы және «Мекенжай тізілімі» ақпараттық жүйесінде жазбасы бар әрбір жылжымайтын мүлік нысаны автоматты түрде алады.
Мекенжай тіркелгеннен кейін деректер оператор жүйесіне автоматты түрде беріледі. Ол тіркеу кодын таниды және пошта индексін береді. Процесс толық автоматтандырылған.
Ұлттық оператор пошта индекстерінің бірыңғай базасын жүргізеді, оның қорғалуын қамтамасыз етеді және деректерге қолжетімділікті бақылайды.
Тұрғындар мен ұйымдар индексті уәкілетті органның интернет-ресурсы және open.post.kz порталы арқылы тегін тексере алады. Базаға жергілікті атқарушы органдар да қол жеткізе алады.