Рейдтерге шамамен үш мың полиция қызметкері қатысты. Іс-шаралар Алматы, Жамбыл, Маңғыстау, Павлодар, Солтүстік Қазақстан, Қызылорда облыстарын, сондай-ақ Абай және Ұлытау өңірлерін қамтыды.
Полиция органдарына 2400-ден астам кәмелетке толмаған жеткізілді. Олардың ішінде 1500-ден астамы әкімшілік құқық бұзушылықтар үшін, ал шамамен 1000-ы қараусыздық пен панасыздық үшін жауапқа тартылды.
Ата-аналар жауапқа тартылды
Барлығы 4000-ға жуық әкімшілік құқық бұзушылық анықталды. 257 ата-ана балаларды тәрбиелеу міндеттерін орындамағаны үшін, ал шамамен 1500-ы кәмелетке толмағандардың түнде көшелерде және ойын-сауық орындарында болғаны үшін жауапқа тартылды.
Рейдтер өткізілген кезеңде аталған өңірлерде кәмелетке толмағандар арасында қылмыстарға жол берілмеді. Ұқсас іс-шараларды үнемі өткізу жоспарлануда.
Ішкі істер министрлігінде ата-аналарға жазғы демалыс кезінде балалардың бос уақытын бақылап, олардың кіммен араласатынын білу қажеттігін ескертті.