Қаражат төрт өңірдегі жылумен қамтамасыз ету, су құбыры және кәріз жүйелерін жөндеу мен жаңғыртуға жұмсалады.
Абай облысы
Семейде магистральдық жылу желілері мен қазандықтарды реконструкциялаудың бес жобасы жүзеге асырылады. Мақсаты — қаланың оң жағалау бөлігіндегі жылу тапшылығын (146,99 Гкал/сағ) қысқарту және желілердің тозуын азайту, ол қазір 81%-ға жетеді. Жұмыстар жылумен қамтамасыз етудің сенімділігін арттырып, апаттар санын азайтуы тиіс.
Ақмола облысы
Степногорскіде қала үшін жалғыз су көзі болып табылатын «Гидроузел» учаскесінің сорғы станциялары реконструкцияланады. Мұнда желілердің тозуы 90%-ға дейін жетеді. Жұмыстар аяқталғаннан кейін 66 мыңнан астам тұрғын, сондай-ақ ЖЭО және өнеркәсіптік кәсіпорындар үздіксіз сумен қамтамасыз етіледі.
Қостанай облысы
Қостанайда тозуы 90%-ға дейін жететін су құбыры және кәріз желілері жаңартылады. Жобалар апаттылықты төмендетуге және су басудың алдын алуға бағытталған.
Солтүстік Қазақстан облысы
Петропавлда сумен қамтамасыз ету, су бұру және жылумен қамтамасыз ету жүйелерін жаңғыртудың 13 жобасы жүргізілуде. Жекелеген нысандардың тозуы 100%-ға жетеді. Жұмыстар жылыту маусымының тұрақты өтуін қамтамасыз етіп, жүз мыңдаған тұрғын үшін қызмет сапасын жақсартуы тиіс.
МЭКС бағдарламасы аясында 2025 жылдан 2029 жылға дейін 13,5 трлн теңге бағыттау жоспарлануда, оның ішінде 1,9 трлн теңге — әкімдіктердің бағалы қағаздарын сатып алу арқылы.